GILBERTA GRASSELLI

E’ nata a Mantova il 23 maggio 1944 e vive a Gazzo Bigarello (MN) dal 2001.

Dal 2003 scrive oltre a poesie anche racconti, molti dei quali già pubblicati  2007, 2008 e 2013.

“La vena poetica dialettale è spronata dalle mie radici, dove nell’intera mia silloge si respirano sentimenti puri e non ingenui, che sembrano avere quasi un’anima propria, che aiutano, sorreggono e tutta la serenità di quei versi fanno bene allo spirito!”

La bambula da pésa

Quand s’eri pütina, me màdar
Cun chi ciàr d’lüna ch’agh era
e mi la pü pìcula
dle quàtar fèmne
la cercava da cuntentàram
sensa spéndar di bési…

Ed ècu che cun la su fantaşìa
e le su man l’am faşea catar
‘na bàmbula da pèsa…
E mi cuntenta cume ‘na Pasqua
am parea d’avérach
‘n uràcul in man
e guài a chi m’la tucàva…
Incӧ che dle bàmbule
a s’an ved ad tüt le sòrt
che quaşi le par vere
a mi am turna in mente la mìa
ch’la rèsta sènpar la pü bèla
parchè fata
cun le man da me màdar.


La fümana

Al tabar dla fümana
al sa stend in dla stagiun
dal fret…
in sle caşe
e in si mür
as pògia ‘l culur griş scür

Intant ch’at camìni
la fümana la t’caresa
e i tu penser is còlga
in dal maşnin dla ment…

Na spera da sul
la fa turnar i culur
e in dal cӧr
la vòia ’d primavera
la fa şbuciar i tu fiur…


Cör da madar

Da quand at nasi
e fin a la fin
i su òc i è sènpar
vicin …

Anca ʻd luntan
la cuntròla
i tu pas …

la völ saver
sa va tüt ben …

Se la sera at sè föra
cun i tu amich e at turni
tròp prèst la pensa
chʼ a sia sücès quèl …

Se invece l’urari l’è pasà
la dòrum cun ʽn òc vèrt
e ün serà …

La sculta al tich tach
dla şvèlia e insiem
la cunta le ure …

Intant che i su penser
i şbrisia in dla ment
e in dal cör ad na màdar …


An padar chʼas tegneva a bacheta

Cun nʼuciàda éum capì al volo
chʼa bisugnava rigàr drit
e mai al ghʼeva bișògn
da möar le man.
Bastàva chʼlʼalsés la vus
e nüàtar fiöi
sa faşéum dal cincèl
as chietàum adme diʼ agnèi
e müt cume i pes
al vardàum cun rispèt
e dala südisiùn
prunt a rigàr drit.